Bap

Alexandra, nit nur du lyrics Bap

1.156

Rate this lyrics:
Rating: 0.0/10 - Total rating: 0

Alexandra, nit nur du


Et blieht länger hell jetz, obwohl et ess immer noch Februar.
Ne Winter he ess ausschließlich lästich, wie dä Matsch, dä als Schnie
uss schwere Wolke singe Wääsch nohm,
Tänzerinne, nevvebei, nur öm ze stirve, he om lauwärme Asphalt,
Kamikaze en ner Stadt,
wo jede Hilferoof bloß unjehührt verhallt.

Mir fällt en Strooß enn, die vun Ostende bess Mekka,
quer durch Europa als E 5 führt, wigger woor ich noch nie,
trotz all dä Breefe, die ich jeschrivve
un nie affjescheck, doch für die du, " Entschuldijung! " Nohporto zahle mohts,
all die Eroll Flynn Visione, für jed einzelne däät sich et lohne,
Sensatione mein ich, nit Madame Toussaud.

Alexandra, jevv et zo:
Mancheiner föhlt sich he em Stech jelooße,
Alexandra, nit nur du, nit nur du.

Du johvs mir Bruht un Spiele, Alexandra, ich weiß schon,
du föhls dich wie ne ussrangierte Weihnachtsbaum noh Neujohr.
Wie`n Aapenisel ennzesinn stund ich vüür dir, un Aug en Aug
kunnt ich dich lese wie e opjeschlaare Booch.
Et deit mir leid, dovun ze singe,
bloß op Dauer, Alexandra, wohr dat doch wohl nit jenooch.

Alexandra, jevv et zo:
Mancheiner föhlt sich he em Stech jelooße,
Alexandra, nit nur du, nit nur du.

All Zeremonie, Beschwörunge un Rituale,
ding Cohen Plaate, Jacques Brel Sampler un Spazierjäng em Rähn
dann die rührende Versuche, affzoschöddele die Tristesse,
die wohren aussichtslos , die braaten et wirklich nit,
denn eins ess secher wie et Amen : dat wo suvill Kirche stonn,
et hundert pro en janze Hääd ze Bichte jitt.

Alexandra, jevv et zo:
Mancheiner föhlt sich he em Stech jelooße,
Alexandra, nit nur du, nit nur du.

Thank you because you correct this lyrics
 

Leave a comment to the song

Biography

Bap is a German rock band active since 1980. Known for their energetic sound and engaging live performances, Bap has gained a loyal following in Germany. Although they haven't achieved international fame like some other German rock bands, they are considered an important musical force within the national scene. Their musical style is characterized by powerful guitar riffs, catchy melodies, and lyrics often in German that address social and personal themes. Some of their most representative songs include "Wir sind die Besten", "Rock 'n' Roll Fieber" and "Freiheit". Bap has released several albums throughout their career, including "Bap" (1982) and "Feuer und Flamme" (1985).

Related artists