Jestermorje öm vier woot et gröön en Platania -
su gröön, wie mer't schon sick fünf Johr nitmieh kennt:
Sibbe Hundertschafte un Einsatzkommandos
als Schutz für Kreissäje 'n Container, wodrenn
och dä letzte Rest Bäum,
die zwei Kreech övverlääv hann,
en Blöck zersääch,
vun he weg dann gebraat,
weil dat letzte Stöck Allee,
die om Kölle'ns janz römmjing,
weet och noch verhunz,
zur Mondlandschaft jemaat.
Refrain
Jestermorje öm vier woot et gröön en Platania ?
su gröön, wie mer't schon sick fünf Johr nitmieh kennt:
Sibbe Hundertschafte un Einsatzkommandos
jäje Lück, die trotz Frost en Baumkrone jepennt.
Zweiunveezich Daach
em käldste Winter sick Johre
hann he Fraue un Männer
un och Kinder kampiert,
die nit jetz eez jeraff hann:
Mer weede bedroore
vun nem Stadtrat, dä em Wärme met "Fakten" jongliert,
dä römmschwafelt un schwärmt
vun 'nem "Boulevard-Charakter",
"dringender" U-Bahn-Erweiterung,
Parkhüüser un dämm jottweiswer
't och noch affnimmp ... un dat ess makaber,
wenn'e em Deens vun Konzerne Sachzwäng simuliert.
Refrain
Dat eins kloor ess:
T' jeet he nit nur öm die drückzehn Platane,
die jetz nitmieh do
om Kaiser-Wilhelm-Ring stonn.
T'jeet och drömm, dat mer merk,
wie die uns Zukunft verplane,
die Vokable wie "Wachstum" un "Macht" nur verstonn.
Wat dat wohr - vüür fünf Johr -
als et schon ens su gröön wood ?
V'leich erinnert sich wer:
Et Stollwerck wood jeräump,
noh Versprechunge, die schon jenausu jeloore.
Joot ens hin Lück, ich schwöör üch,
ihr denkt, dat ihr dräumpt !
Refrain
Bap is a German rock band active since 1980. Known for their energetic sound and engaging live performances, Bap has gained a loyal following in Germany. Although they haven't achieved international fame like some other German rock bands, they are considered an important musical force within the national scene. Their musical style is characterized by powerful guitar riffs, catchy melodies, and lyrics often in German that address social and personal themes. Some of their most representative songs include "Wir sind die Besten", "Rock 'n' Roll Fieber" and "Freiheit". Bap has released several albums throughout their career, including "Bap" (1982) and "Feuer und Flamme" (1985).