1)
Om eezte Stöck der Vringsstrooß, zwesche Kirch un Clodwigplatz
hätt vüür ner Woch ne Mörderschoss ne Laade opjemaat,
en Kreuzung zwesche Drittweltlaade un Gruselkabinett,
wo mer Präsente kaufe kann, dämm dä schon alles hätt.
Die Frau heiß Helga Helmes un se weiß, wat Kundschaff trick,
en " Miss Samantha's Exclusiv-Discount-Jeschenkboutik".
2)
Em Enjang stonn Lenin un Marx uss Coladoseblech,
vüür nem Neuschwanstein- Panoramateppich, made in Bangladesh,
et jitt ne Pseudo Warhol Siebdruck met vier Che Guevaras drop
un en Moschino Ledderjack met nem Pailette - Duudekopp,
ne Latex-Tamagotchi, lebensgroß, mit King Size Dick,
en " Miss Samantha's Exclusiv-Discount-Jeschenkboutik".
3)
Ilona Christen als Grunge - Barbie em S/M - Outfit,
wirb für en Shell-Atlas-Anthologie vum Literarischen Quartett,
zum Esoterik-Almanach, en ir'ndner Art vun Jugendstil
kritt mer ömsöns ne Autoaufkleber, wo drop steht: I love Sylt.
Ne Tarantino-Breefbeschwerer: Koppschöss en Aspik
jitt et en " Miss Samantha's Exclusiv-Discount-Jeschenkboutik".
Un en Versicherung beet Re-Inkarnations-Konzepte ahn.
Je noh Police wööt mer'n Kakerlak oder 'ne Aga Khan.
Ewigen Frieden ( Vollkasko!) met'ner Jeld zoröck - Jarantie
kritt mer en " Miss Samantha's Exclusiv-Discount-Jeschenkboutik".
4)
T'jitt für Nostalgiker he Boxershorts met Prilbloomedekor
un och en Video-Serie övver't nit jejovvne Wembley-Tor,
en Puddingform em Ying un Yang-Design, e Handy uss Taiwan,
dat sich met " Candle in the Wind " un noch vill Schlemmrem melde kann.
Ahnscheinend jitt et Lück, die finge Desert-Storm Tarn-T-Shirts schick,
die kritt mer'n " Miss Samantha's Exclusiv-Discount-Jeschenkboutik".
5)
Em Sonderanjebot hätt Miss Samantha'n CD-Edition.
Do kritt mer alle Zappa Plaate en 'ner Kuschelrock-Version,
die Schlümpfe spille Sex Pistols oder wohr't ömjedrieht ?
un als die Krönung: " Techno, vun dä drei Tenöre intoniert."
O.K. ..., ich mein dat Leed wöhr lang jenooch et weed jetz höchste Zick,
Samantha will met mir'n die Disco, wo't hück Karaoke jitt
Bap is a German rock band active since 1980. Known for their energetic sound and engaging live performances, Bap has gained a loyal following in Germany. Although they haven't achieved international fame like some other German rock bands, they are considered an important musical force within the national scene. Their musical style is characterized by powerful guitar riffs, catchy melodies, and lyrics often in German that address social and personal themes. Some of their most representative songs include "Wir sind die Besten", "Rock 'n' Roll Fieber" and "Freiheit". Bap has released several albums throughout their career, including "Bap" (1982) and "Feuer und Flamme" (1985).