Lyrics Das große schu-bi-du Bap

Das große schu-bi-du

Ort der Handlung ess ne Waldsee em Tessin ?
dat ess steuergünstig un nur deshalb muß dat sinn.
Do hätt hä sing Hezz verlore ? nit en Heidelberg ?
ahn die allerletzte Jungfrau he om Kontinent ...
un hä heiß Fury, doch wie sie heiß, root ihr nie:
Blonde Zöpp un minderjährig ? Huch! ? Sodomie!
Doch sie verkörpert alles Heile dieser Welt,
un dä Fury spellt dä allerletzte ? letzte Held.

Heidi, Heidi, Hei...di !

Heidi weed jespellt vun Silvia Sommerlath
un als Fury weed Ernst Albrecht fein paratjemaht.
Auch die Nebenrollen seien hier noch kurz erwähnt,
denn och he ess die Besetzung unjeheuer prominent:
Kinski heiß die schöne Waldfee uss dämm Knusperhaus,
doch nit wie ihr jetz meint, Natascha,
nä, die heiß Klaus.
Un Robert Lemke, der vum Parteienspektrum schwärmt:
"Welche Schweinderl hätten sie denn gern?"

Heidi, Heidi, Hei...di !

Selbstverständlich blieht die Story noch jeheim,
doch verraten sei,
et handelt sich öm Sex and Crime daheim.
Met nem joode Schoss vum allerbesten deutschen Geist
und Witz - dat verröht dä Untertitel: "Dalli ? Dalli ? Klick". Wissenschaftlich weet et deshalb,
weil et spellt dä Grzimek met,
un dä jeht em Selbstversuch met der Lassie en et Bett.
Noh nüng Mond, dat ess Kismet,
weil su muß et einfach sinn,
gebiert Grzimek seiner Lassie ihren Sohn ? Rin-tin-tin.

Heidi, Heidi, Hei...di !

Auch politisch weet dat Janze höchst brisant,
denn am Waldsee weet e Kernkraftwerk jeplant.
Dä Alp-Öhi, dä plädiert für Kernenergie,
denn dat Alpenglühn,
dat strahlt ab dann su schön wie vürher nie.
Su e Kernkraftwerk ess sicher, dat ess garantiert.
Och Ben Cartwright bürgt dofür, dat he nix passiert,
denn bewaffnet, wie se sinn, die Cartwrights,
bess ahn de Zäng, kann die Strahlung nit eraus - unbemerkt vun Hoss, Little Joe un vum Ben.

Dramaturgisch ? nur suvill verrote ich noch ?
ess die Story selbstverständlich unwahrscheinlich
ussjekocht, denn dä Unhold spellt he einer,
dä he sicher jeder kennt, weil er unser bester Freund ist,
und weil man ihn Flipper nennt.
Flipper ess et, der ganz nackt durchs Wasser schießt ?
döbei kütt et ihm dann mießtens, er ist Exhibitionist.

Un die Tammy mähte ahn, dat ihr Hausboot ungerjeht.
Dä Daktari ess verzweifelt,
weil hä bahl de Welt nit mieh versteht.

Heidi, Heidi, Hei...di !
Eins steht fest, dat dä Film ne Filmpreis kritt,
denn als Moral erjitt sich logisch: "Laster lohnt sich nit",
weil jesponsert weet dä Film schließlich vun der Bundesbahn.
Lokführer Lukas un Jim Knopf
kummen jros op et Plakat.
Heiße soll dä Film: "Das große Schu-bi-du",
un dä Titelsong singt em Duett met Winnitou,
dä jraad windsurft auf der Suche
nach dem Schatz im Silbersee,
jung und strahlend, schön wie immer: Hilde Knef.

Heidi, Heidi, Hei...di !

Zu erwähnen ess, dat Booch zum Film ess alt.
Drissisch Johr su unjefähr, ihr kennt et secher alle.
Oft geändert, je nach Lage bess zum Comic deformiert.
En dämm Booch,
do woot ursprünglich jet wie Freiheit garantiert.
Demokratisch woor et fröher, jetz weet et zum Wetz.
Schwöre mußte drop un wehe,
wehe, Jung, dat deißte nit,
dann ess dat ne Jrund dofür,
dat mer Lück wie dich kaltsetz.
Deshalb heiß dat Booch zum Film: Grundgesetz !

Heidi, Heidi, Hei...di !