Lyrics Tento co e paroe Herman Medrano

Tento co e paroe

TENTO CO E PAROE, MA SOPRATUTO, TENTO AE PAROE,
MI TENTO CO E PAROE, MA TI TENTO AE PAROE
I XE BRAVI A PARLARE, MA TI TENTO AE PAROE, TENTO AE PAROE

TENPO FA GHE SO XA CASCÀ ANCA MI, COME TANTI, EH BEH, COME QUASI TUTI
PA CHEL SENSO DE APARTENENSA E CHEA FALSA CONVINSION DE SENTIRSE UN FIÀ PI FURBI
CHEA SENSASSION DE SENTIRSE INPORTANTI, CONSIDERAI, NO UNO DEI TANTI
STRENXEGHE EÀ MAN QUANDO EL SE VANTI, E DOPO DE QUEO ALTRI REPLICANTI
“UN TASSELLO DI QUESTO SPLENDIDO MOSAICO, MAI PIÙ UNA PEDINA,
PARTECIPARE PA SENTIRSE VIVI, CITTADINI ATTIVI, COMPRENSIVI” E VANTI CO STA MOINA
TE SE, MAGARI FINALMENTE ANCA MI POSSO RIVARE A MAGNARE CHEL CALCOSSA…
EHHH MA QUA CALCHEDUNI GA XA MAGNÀ E LO GA FATO CO NA BOCA GROSSA
E MAN LONGHE, E LENGUA SVELTA, E TIRAPIÈ CHE SCALTRI FA NA SCELTA
SCOLTA, SCARTA, SCAVA E SCOVA INFORMASSION SENPRE FRESCHE, CHISSA COME LE TROVA?
CO L’AMICISSIA DEI BRAVI GIORNAISTI, CUSSÌ GIUSTI, DENTRO SO EÀ NOTISSIA
OPORTUNISMO PA EL DIRITO DE CRONACA E TI RECETIVO PA PIGRISSIA
QUEI CHE VERXE BOCA SOEO PA DAGHE ARIA? E PROMESSE XE BUXIE FIN A PROVA CONTRARIA
E EÀ COERENSA? MAI FARE STA CAPEA, I SE RISERVA DE OSSERVARLA MA I CANBIARÀ IDEA
SEMO EL PAESE DEA CERTESSA DEL DIRITO, DEL’INCERTESSA DEA SO APLICASSION,
NO SEMO GNANCA NA NASSION, PENSANDOGNE BEN NO VEDO GNANCA NA DEFINISSION.
MA ME PARE CHE SOLTANTO PA EL GUSTO DE FARSE SCOLTARE QUA I STA ANCORA A PARLARE,
E TI PA ESCOGITARE EL MODO DE GIUSTIFICARE UN VOTO E UN MODO NOVO DE PODERTE LAMENTARE
E COME ARGOMENTARE CHE SORTA DE TARE I XE RIUSSÌI A FARTE SCATENARE, MI PENSO:
TE I DOVARISSI RINGRASSIARLI, E NO SCHERSO, PA EL RISPARMIO DEL TENPO TE GAVARISSI PERSO

EÀ DEMOCRASSIA…TENTO CO E PAROE
I CITTADINI…TENTO CO E PAROE
NOI SIAMO ONESTI…TENTO CO E PAROE, MORO

E UN POCO PA ESPERIENSA UN POCO PA NATURA DIFIDO DE CHI STA NEE POSISSION DE POTERE
CHE SA SENPRE COSSA CHE XE BEN, COSSA CHE SE DEVE E SA ANCA COME DARTEO A BERE
CHE POE STUDIARE E DEBOESSE UMANE, E PAURE, E TENSION, E OGNI ASPIRASSION
CHE FIN CHE NO XE ORA NO LE TIRA FORA E STA SICURO XE SICURO CHE LA CATA NA OCCASION
DAI, NO TE CONOSSI CHI CO STE ROBE DA 2000 ANI CONTROEA OGNI PERSONA?
E VA A FINIRE CHE SE UNO XE DAVERO BRAVO CO I RICATI RIVA ANCA A ROMA
ASSA STARE, SE I POE I FA L’AFARE ANCA CO QUEI CHE NO TE POI IMMAGINARE
CO QUEI DE CUI PARLAVO PRIMA CHE INSIEME A CHEALTRI SA COME SE SE DEVE CONPORTARE
E SO CHE DIRESTE LA CHE LA MIA SIA UNA “OSTINADA IDIOSINCRASIA E PER GIUNTA VOLGARE”
TUTI STI PAROEONI PA MASCHERARE EÀ VOSTRA IDIOSSIA CHE ORMAI FA RIVOLTARE
NATURAE, I SE CIRCONDA DE SOSTENITORI, ACLAMATORI, DISCEPOI, FEDEI
CREARE CONSENSO XE EL FONDAMENTO PER CUI VA BEN ANCA I LECACUI AI PIÙ BASSI LIVEI
DEL RESTO A GIUSTIFICASSION DE TUTO QUESTO I DISE CHE XE STA DIO CHE LO GA VOESTO
BEL PRETESTO, LORI LO GA SCRITO E DITO E DESSO TANTI LO CREDE ANCA ONESTO
MA ANCA SE ME SFORSO COME UN OSSESSO FRA EORI E STO DIO NO TROVO ALCUN NESSO
MA I CONTINUA A PONTIFICARE EÒ STESSO ANCORA DESSO E SENPRE PI SPESSO
“LA PREGO SUA ALTEZZA, SUA EMINENZA LA PREGO SUA REVERENDISSIMA ECCELLENZA,
E SCUSI LA MIA POVERTA’ E LA MIA GREZZEZZA, MI CREDA, DAVVERO IL CUORE MI SI SPEZZA”
SE CO LINGUAGIO DA PLEBEO GHE RIVOLGO A PAROEA, MA UN PENSIERO IN TESTA NO ME MOEA
CO DECINE DE MIGLIAIA DE MORTI GHE VOE NA GRAN FACIA DE TOEA A VOER FARE ANCORA SCUOEA